En gima achiel somo mana ndiko, to sama itiyo kode, ka ipuonjori dwoko piny mondo isom ADIE, apoya nono weche chako wuok e pej. Ka itiyo gi SOAP e ndiko mari, inyalo ng’iyo matut e ndiko kendo “neno” moloyo ka isomo mana ndikogo kae to idhi e yo mari mar mor. Omiyo, we mondo ajiw mondo ukaw thuolo mar timo S verse mag odiechieng’ ka odiechieng’ kendo ine gi wang’i kaka iyudo gik mathoth kuom somo mari mar odiechieng’ ka odiechieng’……ibiro bedo gi wuoro.
S – S ochung’ ne Ndiko- indiko ndiko e ringruok……ibiro bedo gi wuoro ni gima Nyasaye biro nyisi mana kuom kawo thuolo mar ng’ado ng’wech kendo ndiko adier gima isomo!
O – O ochung’ ne ng’iyo- ang’o ma uneno e ndiko ma isomo? Bende jowinjo gin ng’a gini? Be nitie dwoko mar weche? En weche mage ma ng’ato nyalo ng’eyo maber?
A – A ochung’ ne Tiyo- mae e kinde ma Wach Nyasaye bedo mar ng’ato owuon. Ang’o ma Nyasaye wacho niwa kawuono? Ere kaka anyalo tiyo kod gik ma asesomo sani e ngimana owuon? Ang’o ma dwarore ni atim? Be nitie gimoro ma dwarore ni atim?
P – Kendo gikone P ochung’ ne Lamo. Lar igoyo Wach Nyasaye kendo ire. Kapo ni osefwenyo gimoro kuomi e kindeni e Wachne, lamo kuom wachno. Yar ka osefwenyo richo moro ma ni e ngimani.
Somo Wach Nyasaye kaka mae nyalo kawo thuolo matin kata mabor mana kaka in gi thuolo mar chiwo. Odiechienge moko nyalo kawo mana dakika 10 kata 15, to odiechienge mamoko nyalo kawo thuolo malach moloyo.
Mae en ranyisi mar ng’ato owuon….
Jo-Kolosai 1:5-8.
S – Yie kod hera ma wuok kuom geno ma oseketni e polo kendo ma usewinjo kuom wach mar adier, wach maber ma osechopo kuomu. E piny mangima, wach maberni kelo olemo kendo dongo, mana kaka osebedo ka timore e kindu chakre chieng’ ma ne uwinjoe kendo ung’eyo ng’wono mar Nyasaye e adier mare duto. Ne upuonjore wachno kuom Epafras, jatich wetewa ma wahero, ma en jatich ma ja adier mar Kristo kuomwa, kendo ma bende nonyisowa hera ma un-go e Roho.
O – (Kinde mang’eny agolo mana gik ma aneno…… gima aneno e wang’ mokwongo ka aneno ndiko)
A – Gima ne ochung’ motegno e wang’a kawuono ne en kaka Nyasaye notiyo kod ng’at achiel, Epafras, mondo olok taon duto!!! Ne oparo ni waluongowa mana mondo waler ne jomoko wach Kristo……en tich mar Nyasaye mondo oland wach maber…. mondo odong’ kendo mondo okel olemo. Ne awinjo ni ndiko mag kawuono ne chiegni ni owach ne LGG…..“e piny mangima wach maberni kelo olemo kendo dongo, mana kaka osebedo ka timo e kindu chakre odiechieng’ ma ne uwinjoe kendo uwinjo tiend ng’uono mar Nyasaye e adier mare duto.” Be ok en gima mor ka Wach Nyasaye bedo mangima ahinya kendo wuoyo achiel kachiel kama wantie?!!!! Lamo mara sani en ni mon duto ma nitie e somo mar Muma ni ong’e ng’uono mar Nyasaye kendo obed gi riyo mar Wachne.
P – Ruoth ma jahera, agoyo mos mondo okonya mondo abed “Epapras”….. mondo anyis jomoko wachni kae aweyo duoko e lweti ma nigi hera. Akwayi mondo okonya winjo tiend gik ma asesomo sani e ngimana owuon, mondo abed kaka in pile ka pile. Konya mondo abed gi ngima ma kelo “olemo” mag yie kod hera……keto geno mara e polo, to ok e piny kae. Konya mondo apare ni GIMO BER pod biro!
Gik ma dwarore ahinya e S.O.A.P. yo en tudruok mari gi Wach Nyasaye kod TIYO gi Wachne e ngimani.
Gik moko duto ma puonjore mag Nyasaye Maduong’ kod Bibilia olosi ka itiyo gi yo mar SOAP. Gik ma watiyogo biro jiwo mondo ibed gi winjruok kendo idong’ matut e Wach Nyasaye mamit!
100% mar gik ma inyiewo dok e tijwa mar lendo mondo okonywa chiwo Wach Nyasaye ne mon e piny mangima e dhokgi! Nyaka chop sani, waloko somo magwa e dhok mokalo 40 kendo wadwaro dhi nyime dongo!
Gima inyiewo konyo tijwa mondo odong’ maber!
Wang’eyo ni idwaro timo lokruok! Ibed gi Her Nyasaye Maduong’ e tich marwa mar kedo kod joma ok ong’eyo Muma e piny mangima kendo chiwo gik ma konyo e somo Muma e dhok mang’eny kaka wanyalo.
Kaka riwruok ma ok dwaro yudo ohala, Her Nyasaye Maduong’ nitie nikech ng’wono ma mon kaka in ma yiero keto pesa e gik ma dwarore ahinya.
Gimoro amora ma imiyo nigi teko mar roho e ngima mon mamoko!